Shakeela – ನಟಿ ಶಕೀಲಾ ಮೇಲೆ ಹಲ್ಲೆ: ಸಾಕು ಮಗಳ ವಿರುದ್ಧ ಪೊಲೀಸ್ ದೂರು! | Attack on Actress Shakeela; Police complaint against step daughter.
ನಟಿ ಶಕೀಲಾ ಅವರ ಸಾಕು ಮಗಲಾದ ಶೀತಲ್, ಶಕೀಲಾ ಮತ್ತು ಮಧ್ಯಸ್ಥಿಕೆ ವಹಿಸಲು ಬಂದ ಆಕೆಯ ಶಕೀಲಾ ಅವರ ವಕೀಲೆ ಸೌಂದರ್ಯ ಮೇಲೆ ಹಲ್ಲೆ ನಡೆಸಿದ್ದು, ಕಾಲಿವುಡ್ ವಲಯದಲ್ಲಿ ಚರ್ಚೆಯ ವಿಷಯವಾಗಿದೆ. ದಾಳಿಯ ನಂತರ, ಶಕೀಲಾ ಮತ್ತು ಅವರ ವಕೀಲ ಸೌಂದರ್ಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ವಕೀಲೆ ಸೌಂದರ್ಯ ಅವರು ಕೋಡಂಬಾಕ್ಕಂ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ ನಂತರ ವಿಷಯ ಬೆಳಕಿಗೆ ಬಂದಿದೆ.
ವಕೀಲೆ ಸೌಂದರ್ಯ ಅವರು ಹೇಳುವ ಪ್ರಕಾರ, ಕಳೆದ ರಾತ್ರಿ ಶೀತಲ್ ತನ್ನ ಸಾಕು ತಾಯಿ ಶಕೀಲಾ ಅವರನ್ನು ಹೊಡೆದು ಮನೆಯಿಂದ ಓಡಿಹೋಗಿದ್ದರು. ಇದನ್ನು ಕೇಳಿದ ಸೌಂದರ್ಯಾಳ ಸ್ನೇಹಿತೆ ನರ್ಮದಾ, ಸೌಂದರ್ಯಳನ್ನು ಸಂಪರ್ಕಿಸಿ ನಡೆದ ಸಂಗತಿಯನ್ನು ತಿಳಿಸಿ, ಶಕೀಲಾಗೆ ಕೂಡಲೇ ಸಹಾಯ ಮಾಡುವಂತೆ ಕೇಳಿಕೊಂಡಿದ್ದಾರೆ. ಆ ನಂತರ ಸೌಂದರ್ಯ ಶಕೀಲಾಳ ಮನೆಗೆ ಹೋಗಿ, ಶಕೀಲಾ ಅವರಿಂದ ನಡೆದದ್ದನ್ನೆಲ್ಲ ತಿಳಿದುಕೊಂಡು, ಶೀತಲ್ ಗೆ ಫೋನ್ ಮಾಡಿ, ಮನೆಗೆ ಕರೆಸಿ ರಾಜಿ ಮಾಡುವ ಪ್ರಯತ್ನ ಮಾಡಿದ್ದಾರೆ.
ಅದರಂತೆ ಶೀತಲ್ ತನ್ನ ತಾಯಿ ಶಶಿ ಮತ್ತು ಸಹೋದರಿ ಜಮೀಲಾಳೊಂದಿಗೆ ಮನೆಗೆ ಬಂದರು. ನಂತರ ಸೌಂದರ್ಯ ಅವರೊಂದಿಗೆ ಮಾತನಾಡುತ್ತಿದ್ದಾಗ ಶೀತಲ್ ಸಿಗರೇಟ್ ಟ್ರೇ ತೆಗೆದುಕೊಂಡು ಸೌಂದರ್ಯ ಅವರ ತಲೆಗೆ ಹೊಡೆದು, ಶಕೀಲಾಗೆ ಕೊಲೆ ಬೆದರಿಕೆ ಹಾಕಿದ್ದಾರೆ ಎನ್ನಲಾಗಿದೆ.
ಅಲ್ಲದೆ, ಶೀತಲ್ ಅವರ ತಾಯಿ ಶಶಿ ಅವರು ಸೌಂದರ್ಯ ಅವರ ಬಲ ಮಣಿಕಟ್ಟಿಗೆ ಕಚ್ಚಿ ಗಾಯಗೊಳಿಸಿದ್ದಾರೆ ಎನ್ನಲಾಗಿದೆ. ಹಲ್ಲೆಗೊಳಗಾದ ಶಕೀಲಾ ಹಾಗೂ ಸೌಂದರ್ಯ ಕೋಡಂಬಾಕ್ಕಂನ ಮಿಡ್ವೇ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆಗಾಗಿ ಪಡೆದುಕೊಂಡಿದ್ದಾರೆ.
ಈ ಹಿನ್ನೆಲೆಯಲ್ಲಿ ಇಂದು ಬೆಳಗ್ಗೆ ಕೋಡಂಬಾಕ್ಕಂ ಪೊಲೀಸ್ ಠಾಣೆಗೆ ತೆರಳಿದ ಸೌಂದರ್ಯಾ, ತಾನು, ಶೀತಲ್ ಮತ್ತು ಆಕೆಯ ತಾಯಿ, ಅಕ್ಕ, ಮತ್ತು ಶಕೀಲಾ ಅವರ ನಡುವೆ ರಾಜಿ ಮಾಡಲು ಹೋದಾಗ ಶೀತಲ್ ಮತ್ತು ಅವರ ತಾಯಿ ತಮ್ಮ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ವರದಿ ಮಾಡಿದ್ದಾರೆ. ಸೌಂದರ್ಯ ಅವರ ದೂರನ್ನು ಸ್ವೀಕರಿಸಿರುವ ಪೊಲೀಸರು ಮುಂದಿನ ಕ್ರಮಕೈಗೊಳ್ಳುತ್ತಿದ್ದಾರೆ ಎನ್ನಲಾಗಿದೆ.
ಶಕೀಲಾ ಅವರ ಅಣ್ಣನ ಮಗಳಾದ ಶೀತಲ್, ಆರು ತಿಂಗಳ ಮಗುವಾಗಿದ್ದಾಗಿನಿಂದ ಶಕೀಲಾ ಅವರಲ್ಲಿ ಬೆಳೆದರು. ಶೀತಲ್ ಅವರ ತಂದೆ ತೀರಿಕೊಂಡಿದ್ದರಿಂದ, ಆಕೆಯ ತಾಯಿ ಮತ್ತು ಸಹೋದರಿ, ಕೋಡಂಬಾಕ್ಕಂ ಟ್ರಸ್ಟ್ ಪುರಂನಲ್ಲಿ ವಾಸಿಸುತ್ತಿದ್ದರು ಎಂದು ಹೇಳಲಾಗುತ್ತಿದೆ.