Chaksu: ಹೆಚ್ಚುತ್ತಿರುವ ಸ್ಕ್ಯಾಮ್ ಕಾಲ್ ಕಿರುಕುಳ – ಪರಿಹಾರ ನೀಡುವ ಕೇಂದ್ರ ಸರ್ಕಾರದ ಹೊಸ ವೆಬ್‌ಸೈಟ್
‘ನಿಮ್ಮ ಕಾರ್ಡ್‌ನ 13 ನಂಬರ್‌ ಹೇಳಿ’, ‘1 ಲಕ್ಷ ಬಹುಮಾನ ಬಿದ್ದಿದೆ ಸಾರ್‌’, ‘ವಿದ್ಯುತ್‌ ಬಿಲ್‌ ಕಟ್ಟಿಲ್ಲ, ಜಿ ಪೇ ಮೂಲಕ ಪಾವತಿಸಿ’ ಹೀಗೆ ನಾನಾ ರೀತಿಯ ಫೋನ್‌ ಕರೆಗಳು, ಸಂದೇಶಗಳು, ಮೂಲಕ ಡಿಜಿಟಲ್ ಕಳ್ಳರು ಜನರನ್ನು ವಂಚಿಸಲು ಹೊಂಚು ಹಾಕುತ್ತಿದ್ದರೆ . ಅನೇಕ ಜನರು ಈ ವಂಚನೆಗಳಿಗೆ ಬಿದ್ದು ತಮ್ಮ ಹಣವನ್ನು ಕಳೆದುಕೊಳ್ಳುತ್ತಿದ್ದಾರೆ. ಪ್ರತಿನಿತ್ಯ ಇಂತಹ ಕರೆಗಳು ಮತ್ತು ಸಂದೇಶಗಳು ಜನರನ್ನು ಕಾಡುತ್ತಿವೆ.
ಇದನ್ನು ತಡೆಯಲು ಕೇಂದ್ರ ಟೆಲಿಕಾಂ ಸಚಿವಾಲಯವು ‘ಚಕ್ಸು’ ಎಂಬ ಹೊಸ ವೆಬ್‌ಸೈಟ್ ಅನ್ನು ಪ್ರಾರಂಭಿಸಿದೆ.
https://sancharsaathi.gov.in/ ವೆಬ್‌ಸೈಟ್‌ಗೆ ಭೇಟಿ ನೀಡಿದರೆ, ಹೋಂ ಪೇಜ್ನಲ್ಲಿ [Citizen Centric Services] ಸಿಟಿಜನ್ ಸೆಂಟ್ರಿಕ್ ಸರ್ವಿಸಸ್ ಅಡಿಯಲ್ಲಿ [Report Suspected Fraud Communication] ರಿಪೋರ್ಟ್ ಸಸ್ಪೆಕ್ಟ್ದ್ ಫ್ರಾಡ್ ಕಮ್ಯುನಿಕೇಷನ್ ಎಂಬ ಹೊಸ ಸರ್ವಿಸ್ ಅನ್ನು ನೀವು ನೋಡಬಹುದು.
ಆ ಲಿಂಕ್ ಅನ್ನು ಕ್ಲಿಕ್ ಮಾಡಿದರೆ, ಪೇಜ್ ಓಪನ್ ಆಗುತ್ತದೆ. ನಿಮ್ಮ ದೂರುಗಳನ್ನು ದಾಖಲಿಸಲು ಕ್ಲಿಕ್ ಮಾಡಿ.
ನಂತರ ನಿಮ್ಮ ದೂರಿನ ವಿವರಗಳನ್ನು ನೀಡಿದರೆ, ಕ್ರಮ ಕೈಗೊಳ್ಳಲಾಗುತ್ತದೆ. ಶೀಘ್ರದಲ್ಲೇ ಇದನ್ನು ಪ್ರತ್ಯೇಕ ಆ್ಯಪ್ ಆಗಿ ತರಲು ಯೋಜಿಸಲಾಗಿದೆ.
ಕರೆಗಳು, ಪಠ್ಯ ಸಂದೇಶಗಳು ಮತ್ತು ವಾಟ್ಸಾಪ್ ಸೇರಿದಂತೆ ಸಾಮಾಜಿಕ ಜಾಲತಾಣಗಳ ಮೂಲಕ ನಿಮಗೆ ಬರುವ ಬೆದರಿಕೆಗಳಿಗೆ ಸಂಬಂಧಿಸಿದ ಯಾವುದೇ ಸೈಬರ್ ಕ್ರೈಮ್ [Cyber Crime] ದೂರುಗಳನ್ನು ನೀವು ಈ ವೆಬ್‌ಸೈಟ್‌ಗೆ ವರದಿ ಮಾಡಬಹುದು. ಸೂಕ್ತ ಕ್ರಮ ಕೈಗೊಳ್ಳುವುದಾಗಿ ಕೇಂದ್ರ ದೂರಸಂಪರ್ಕ ಸಚಿವಾಲಯ ತಿಳಿಸಿದೆ.
ಈ ಕುರಿತು ಮಾತನಾಡಿರುವ ಕೇಂದ್ರ ಟೆಲಿಕಾಂ ಸಚಿವ ಅಶ್ವಿನಿ ವೈಷ್ಣವ್,
‘ಈ ವೆಬ್‌ಸೈಟ್ ಜನರ ವಂಚನೆ ಸಮಸ್ಯೆಗಳಿಗೆ ಪರಿಹಾರ ನೀಡಲಿದೆ. ಈ ವೆಬ್‌ಸೈಟ್‌ನಲ್ಲಿ ಹಗರಣಗಳಲ್ಲಿ ಭಾಗಿಯಾಗಿರುವವರ ಸಂಖ್ಯೆಗಳನ್ನು ವರದಿ ಮಾಡಿದರೆ ಸೂಕ್ತ ಕ್ರಮ ತೆಗೆದುಕೊಳ್ಳಲಾಗುವುದು. ನಾವು ಒಂದು ಕೋಟಿಗೂ ಹೆಚ್ಚು ನಂಬರ್‌ಗಳನ್ನು ಬ್ಲಾಕ್ ಮಾಡಿದ್ದೇವೆ. ಹಾಗೆಯೇ, ಜನರ ಸಂಖ್ಯೆಗಳನ್ನು ಸೋರಿಕೆ ಮಾಡುವವರ ವಿರುದ್ಧ ನಾವು ಕ್ರಮ ತೆಗೆದುಕೊಳ್ಳುತ್ತೇವೆ. ಎಂದು ಅವರು ತಿಳಿಸಿದ್ದಾರೆ.
